«Кедентранссервис» АҚ Қазақстан Республикасы мен Қытай Халық Республикасы шекарасындағы Достық және Алтынкөл негізгі темір жол шекаралық өткелдерінде жүктер мен контейнерлерді ауыстырып тиеу бойынша кешенді қызметтер көрсетеді.
Ауыстырып тиеу инфрақұрылымы жолтабанының ені әртүрлі — 1 520 мм және 1 435 мм — темір жол жүйелері арасында өту кезінде жүктерді өңдеуді қамтамасыз етіп, Қытай, Қазақстан және одан әрі халықаралық көлік маршруттары бойынша тасымалдың үздіксіздігін қамтамасыз етеді.
Достық станциясында жобалық қуаты жылына 9,5 млн тоннаға дейін 8 ауыстырып тиеу орны жұмыс істейді. Алтынкөл станциясында жобалық қуаты жылына 6,8 млн тоннаға дейін 3 ауыстырып тиеу орны бар. Жиынтық жобалық қуат жылына 16,3 млн тоннаға дейін жетеді.
Қызметтер кешені
- жолтабанының ені әртүрлі жылжымалы құрамдар арасында жүктер мен контейнерлерді ауыстырып тиеу;
- көлік-экспедиторлық алып жүру;
- жылжымалы құрамды ұсыну;
- оператор қызметтері және вагондарды сұрыптау;
- кедендік декларациялау және кедендік тазартуды алып жүру;
- жылжымалы құрамды тасымалдауға дайындау;
- ауыстырып тиеу жұмыстарының барысы туралы фотофиксация және фотоматериалдар ұсыну.
Негізгі көрсеткіштер
Достық — ауыстырып тиеу орны, жылына 9,5 млн тоннаға дейін
Алтынкөл — ауыстырып тиеу орны, жылына 6,8 млн тоннаға дейін
жылына млн тонна — жалпы жобалық қуат
Артықшылықтары
Стратегиялық орналасуы
КДТС ауыстырып тиеу қуаттары Қазақстан – Қытай негізгі темір жол шекаралық өткелдері — Достық және Алтынкөл станцияларында тікелей орналасқан.
Жоғары өндірістік қуат
Достық станциясында жобалық қуаты жылына 9,5 млн тоннаға дейін 8 ауыстырып тиеу орны, Алтынкөл станциясында жобалық қуаты жылына 6,8 млн тоннаға дейін 3 ауыстырып тиеу орны жұмыс істейді. Жиынтық жобалық қуат жылына 16,3 млн тонна жүкке дейін жетеді.
Темір жол табанының екі стандартымен жұмыс
Инфрақұрылым 1 520 мм және 1 435 мм жолтабанды жылжымалы құрамдар арасында жүктер мен контейнерлерді ауыстырып тиеуді ұйымдастыруға бейімделген, бұл Қазақстан мен Қытай темір жол жүйелерінің технологиялық өзара іс-қимылын қамтамасыз етеді.
Терминалдық операцияларды цифрлық басқару — TOS
КДТС Достық және Алтынкөл терминалдарында заманауи Terminal Operating System (TOS) енгізе отырып, өндірістік процестерді цифрлық трансформациялауды жүзеге асырады. Жүйе терминалдық операцияларды цифрлық жоспарлау мен басқаруды, вагондар мен контейнерлерді өңдеуді бақылауды, өндірістік тапсырмалар мен ауыстырып тиеу техникасын басқаруды, контейнерлердің орналасуы мен жылжуын есепке алуды, сондай-ақ операциялардың орындалуын нақты уақыт режимінде мониторингтеуді қамтамасыз етеді. TOS енгізу пойыздар мен контейнерлерді өңдеу уақытын қысқартуға, терминалдардың өткізу қабілетін арттыруға, техника мен инфрақұрылымды тиімді пайдалануға, қолмен орындалатын операцияларды азайтуға және өндірістік процестердің ашықтығын арттыруға бағытталған.
Кешенді сервис
КДТС ауыстырып тиеу мен жылжымалы құрамды ұсынудан бастап экспедициялауға, кедендік алып жүруге және вагондарды тасымалдауға дайындауға дейінгі ілеспе қызметтердің толық кешенін қамтамасыз етеді.
Бақылау және ашықтық
Клиенттерге тасымалды ақпараттық алып жүру, қажет болған жағдайда ауыстырып тиеу жұмыстарының орындалуын фотофиксациялау ұсынылады.
